VISITA DAS MAIORES

O luns pasamos un día xenial! 

A clase encheuse dun ambiente especial onde compartimos receitas, comida e xogos.

E ademais as nosas convidadas agasalláronnos cun libro de receitas escrito por elas mesmas.

Todos e todas desexamos que chegue axiña a próxima xuntanza.

Experimento con rampas

Que lle pasa a un obxecto cando o tiramos por un plano inclinado?
Que obxectos se deslizarán mellor por el? Cales chegarán máis lonxe?  A que distancia chegará cada un?
Fixémonos todas estas preguntas, e tratamos de aventurar a nosa resposta antes de comprobalo, escribindo as nosas predicións na folla de rexistro.  É dicir: fixemos hipóteses. Así funciona o método científico!

Despois, montamos o plano inclinado no pasillo, e comprobamos as nosas predicións. Vimos que hai obxectos que se deslizan moi ben e que chegan moi lonxe, mentres que outros deslízanse con dificultade ou mesmo quedan parados.
A conclusión á que chegamos é que os obxectos que teñen forma redondeada deslízanse moito mellor.
Xa o pensábamos...pero agora sabémolo de certo!

NACHOS CON GUACAMOLE

Tras ler e analizar en equipos a receita de nachos con guacamole chegou a hora de cociñar.

Aproveitamos para estimar o peso dos diferentes ingredientes e pesar na balanza.

Quedou  rico?O que está claro é que no prato non  quedou nadiña.

Fotógrafa: María Millán.

Nachos con guacamole

Durante este trimestre, en segundo imos facer algunhas receitas de cociña.
A primeira que traballamos foi a de nachos con guacamole.
Primeiro lemos a receita e, por equipos, tratamos de averiguar que utensilios precisaríamos para facer o guacamole. Díxonos a profe que ela só ía traer os que nós dixésemos Certámolos todos! Máis nos valía, senón non poderíamos facer o guacamole... :-)
Despois fixemos o guacamole. Organizámonos por equipos, e cada equipo tiña que facer algúns dos pasos recollidos na receita.
Foi moi doado, porque a nós dásenos moi ben isto de cociñar.
Deixámosvos a receita, por se queredes practicar na casa. Ollo co picante, non vos pasedes!

5ª ENTREGA: DIARIO DE AULA 2º B

https://www.dropbox.com/s/sjobt75eijhs6z9/5Presentaci%C3%B3n1.pptx?dl=0

Festa de Nadal

No último día de clase do trimestre fixemos unha pequena festa para celebrar a chegada das festas.
Todo o alumnado trouxo algunha larpeirada, e entre todas tiñamos unha mesa do máis surtida.
Radio Lombiña estaba presente na festa, e fixo un montón de entrevistas. 

E ademais....recibimos a visita de Papá Noel!! Coa súa barba branca e o seu traxe vermello, chegou á nosa clase e contounos un montón de cousas.
Agardamos que vos traxese moitos regalos esta Noiteboa. E, sobre todo, o regalo principal, que é estar coa nosa xente.
Felices Festas!!

Que é iso das eleccións?

Un dos contidos recollidos no noso currículum é o exercicio activo da cidadanía: coñecer como se organiza socialmente a nosa contorna e as súas formas de goberno, e ser conscientes da importancia do exercicio activo da cidadanía para unha convivencia pacífica.
As profes de segundo pensamos que a mellor maneira de explicar o tema era facendo que o vivisen, así que organizamos unhas "eleccións".

Organizáronse por equipos, que viñan a ser os partidos, e cada un tiña que facer un programa para os distintos aspectos da vida cotiá: educación, sanidade, ocio...
Despois, as profes recollemos todos os "programas" nunha folla, imprimímola e así puideron ler todos e escoller o que lles gustaba máis, escribindo o seu nome no voto.
Os nomes dos "partidos" eran do máis simpático: Flash, Os mellores, Cambiar o mundo, Pros, Los mejores ganadores...
Foi unha experiencia interesante, que lles permitíu entender un pouco mellor como é iso das eleccións.

Ao traballar en equipo exercitáronse en habilidades básicas, como respectar as intervencións de outras persoas aínda que non esteamos de acordo coas súas propostas, tratar de chegar a un acordo de xeito consensuado, levantar a man para intervir...
Estar as dúas clases xuntas tamén foi gratificante e enriquecedor. Haino que repetir!