Visita xurásica

Daquela, cando as persoas e os dinosauros compartían a Terra...
Que nooooonnnn! Que persoas e dinosauros nunca coincidimos. Eles estiveron aquí moito antes.

Bueno, si que coincidimos: o martes, na excursión a Pontevedra. Pero esas eran maquetas. Xa vos destes conta, non si?
Foi moi interesante, aprendemos un montón de cousas dos dinosauros e doutros animais que poboaron o noso planeta máis adiante, durante a Idade do Xeo.
Queredes ver as fotos? Que si? Xa o sabía eu!
Pois nada, só hai que facer clic...

Reto: fai un "sistema respiratorio"

https://youtu.be/dVDaqtgE6EU

Reto: apetécesevos ver este vídeo é facer  un aparato respiratorio?
No faladoiro veremos as vosas  construcións!

Ovo en vinagre

Que sucede se metemos un ovo en vinagre durante uns días?
Como non sabíamos a resposta, fixemos a proba.
Collemos un recipiente, o ovo que quedou do anterior experimento (si que nos rendeu!), e vinagre, e a probar, que a ciencia é probar e observar.

Fixemos as nosas hipóteses (poñerase marrón? poñerase engurrado? escachará?...), e fomos observando os cambios día a día.
Hoxe tocaba mirar o resultado.
O primeiro que observamos é que...cheiraba un montón!
Despois, quitamos o vinagre e puidemos ver que o ovo estaba translúcido e brando.E rebotaba!
Bueno, iso no primeiro intento. No segundo...escachou!
Ao escachar, observamos que aínda que perdeu a casca, tiña unha pel branda que o recubría.
Parece que o vinagre desgasta algúns materiais...
A semana que vén probaremos cun óso!

A igualdade

25 de novembro; Día internacional para a eliminación da violencia contra a muller.

Simetrías

Durante este trimestre, unha das cousas que estamos traballando en matemáticas é o concepto de simetría.
Para iso fixemos varias actividades:

• Observar debuxos poñendo un espello no medio, para ver no espello o reflexo simétrico.
• Dobrar unha folla á metade, recortala e pintala de xeito simétrico.
• Utilizando unha liña das baldosas do chan como eixe de simetría, realizar unha composición simétrica coas regletas de cores. 

Estas actividades tiveron moi boa acollida, pasárono moi ben con elas e quedoulles claro o concepto.
Aí vos quedan varias fotos do último exercicio. Xogando, apréndese! 

LIMPEZA DA PRAIA DA CORNA

O alumnado de infantil e primaria limpamos  a Praia da Corna. recollemos todo tipo de lixo, clasificámolo e pesámolo. Sabedes cantos kg de plástico recollemos os segundos? Máis de 7 kg!

3ª ENTREGA : DIARIO DE AULA 2º B

https://www.dropbox.com/s/712dnatsp7datpf/3.pdf?dl=0