Lixo e máis lixo

O mércores fixemos unha interesante actividade con lixo, organizada por un colectivo que se chama "Retoque Retro".
Xuntámonos os dous segundos na aula de usos múltiples, e alí puxéronnos sobre un plástico un montón de cousas atopadas na praia. Xa sabedes: lixo.

Que non vale para nada? Iso dicídelo vós! Nós fixemos de todo con el: bolsos, raquetas, peixes, barcos, pulseiras...de todo!
Mirade as fotos, veredes que ben o pasamos.
E recordade: temos que consumir menos, para xerar menos lixo.
Que o noso mar está ateigado del!!

LIMPEZA DA PRAIA DA CORNA

O alumnado de infantil e primaria limpamos  a Praia da Corna. recollemos todo tipo de lixo, clasificámolo e pesámolo. Sabedes cantos kg de plástico recollemos os segundos? Máis de 7 kg!

Visita de Che Tembra

Che Tembra en plena faena

Esta mañá estivo no cole Che Tembra.
Che é un artista diferente, porque traballa cun material moi peculiar: o lixo!
Utiliza sobre todo madeiras vellas e metais que proceden de vellos aparellos en desuso. Con imaxinación e moitas horas de traballo, é quen de converter uns anacos enferruxados nunha fermosa obra de arte.
Fíxonos unha demostración práctica, e puidemos ver como dunhas pezas vellas saían follas, estrelas e corazóns.
Aquí vos queda unha foto de Che traballando.
Se premedes nela, podedes acceder ao álbum onde están tódalas demais fotos que fixemos esta mañá.
A que son chulas?